Американскиот технолошки гигант „Енвидија“ („Nvidia“) го купи стартапот „Кумо“ кој развива фундаментални модели на вештачка интелигенција дизајнирани да прават точни деловни предвидувања, објави „Форчн“ повикувајќи се на од два извори запознаени со договорот.

Тројцата коосновачи на „Кумо“, Вања Јосифовски, Хема Рагаван и Јуре Лесковец, веќе ѝ се приклучиле на „Нвидија“ минатиот месец, велат изворите.

Финансиските услови на договорот не се откриени, но се шпекулира дека зделката е тешка околу 400 милиони евра. „Енвидија“, која во последниве години купи голем број стартапи за вештачка интелигенција, не го коментира извештајот.

Модели на стартапот со седиште во Маунтин Вју, Калифорнија, ги користеле компании, вклучувајќи ја апликацијата за достава на храна „Дордеш“, „Редит“ и британскиот синџир намирници „Сејзнберис“.

„Со основниот модел, го насочувате кон вашите податоци, дефинирате што подразбирате под одлив, а секунда подоцна имате предвидување“, изјави лани Словенецот Јуре Лесковец, компјутерски научник од универзитетот Стенфорд и еден од коосновачите на компанијата.

„Опен АИ“ тврди дека решил математички проблем стар 80 години: „Историски момент за вештачката интелигенција“