Полската тенисерка Маја Хвалинска приреди вистинска сензација на Ролан Гарос и обезбеди место во големото финале уште на своето прво учество на престижниот турнир во Париз.

Дваесет и четиригодишната полска тенисерка во полуфиналето беше подобра од Русинката Диана Шнајдер со 2-0 во сетови (7-6, 6-4), по нешто повеќе од два часа игра на централниот терен „Филип Шатрие“.

Првиот сет донесе израмнета борба и по еден одземен сервис на двете страни, па победникот беше решен во тај-брејк. Таму Хвалинска одигра посигурно, ги сведе грешките на минимум и успеа да поведе со 1-0 во сетови. Во продолжението таа го задржа високото ниво на игра, направи два брејка и заслужено стигна до најголемата победа во досегашната кариера.

Во финалето Хвалинска ќе се соочи со Мира Андреева, која во второто полуфинале ја елиминираше Марта Костјук. За двете тенисерки ова ќе биде прво гренслем-финале во кариерата.

Успехот на Хвалинска е уште повпечатлив ако се земе предвид дека пред почетокот на турнирот беше рангирана на 114. место на ВТА-листата. Со извонредниот настап во Париз таа ќе направи огромен напредок на светската ранг-листа и од следната недела за првпат ќе се најде меѓу најдобрите 30 тенисерки во светот.

Хвалинска веќе влезе во историјата на Ролан Гарос како прва тенисерка која преку квалификациите стигнала до финалето на турнирот. На патот до мечот за титулата забележа девет победи, а загуби само еден сет, и тоа во третото коло против Марија Сакари.

Хвалинска ќе игра во полуфиналето на Ролан Гарос