Поранешниот канцелар на Австрија од централната десница Себастијан Курц најверојатно ќе се врати на власт, само четири месеци откако објавени снимки ја урнаа неговата коалициска влада со националистичката десница, објави британски „Гардијан“.

Народната партија (ОВП) на Курц се очекува да победи на изборите на кои 6,4 милиони Австријци ќе излезат оваа недела, но најверојатно ќе мора да разгледа формирање на необични коалиции, откако скандалот „Ибица“ целосно ја промени политичката клима во земјата.

Од јуни, Австрија е предводена од страна на привремена влада од Брижит Биерлејн, откако Курц стана првиот канцелар во модерната историја на неговата држава што бил урнат од власт со изгласување на недоверба.

Триесет и три годишниот политичар беше соборен од власта во пресрет на објавувањето на тајно смниманите видео-клипови кои покажуваа дека заменик-канцеларот и лидер на десничарската Партија за слобода (ФПО), Хајнц-Кристијан Штрахе, сугерира дека би можел да понуди лукративни јавни договори, а за возврат да добие поддршка за политичка кампања.

Штрахе се повлече од неговата позиција како претседател на партијата, а ФПО оди на неделните избори предводена од бескомпромисниот поранешен министер за внатрешни работи Херберт Кикл и Норберт Хофер, кој со мала разлика загуби на претседателските избори во 2016 година.

Поради нарушениот имиџ и предизборната кампања посветена на проблемите со климатската криза отколку за имиграцијата, националистичката партија веројано ќе има полош перформанс на неделните избори, во однос на оние во 2017 година. Сепак, можноста за повторна соработка и алијанса со партијата на Курц е се уште можна.