Првите луѓе на англискиот фудбалски клуб Шефилд јунајтед го отпуштија менаџерот Пол Хекингботом и решија на таа позиција да го вратат човекот кој ги врати во Премиер лигата во 2019 година – Крис Вајлдер.

Шефилд не игра добро оваа сезона, моментно е на последното 20 место со само пет ремија и една победа, а ова беше логичен сплет на околности, пишува доверливиот новинар Фабрицио Романо.

Вајлдер стана сензација со Шефилд во сезоната 2019/20, откако неочекувано заврши на деветтото место, иако се предвидуваше дека тимот ќе се врати во Чемпионшип пред почетокот на сезоната.

Сепак, следната година сè се промени и Шефилд одигра значително полошо, а Вајлдер го напушти клубот.

Сезонава Шефилд се врати во елитата, но не успеа да донесе поголеми засилувања и затоа сега резултатите не се најдобри.

?? Sheffield United have sacked the manager Paul Heckingbottom. It’s over as he’s the first PL head coach to be fired.

Chris Wilder, set to return on Sheffield Utd bench — as @JPercyTelegraph has revealed. pic.twitter.com/ZZQxmXFox2

— Fabrizio Romano (@FabrizioRomano) December 4, 2023