Пропаднаа преговорите помеѓу Баерн и Рагник
Иако се најавуваше дека преговорите одат во добра насока, сепак, Рафл Рагник нема да биде нов тренер на Баерн Минхен.
Томас Тухел заминува од Баерн по завршувањето на сезоната, пресудни беа неговите лоши резултати, но тимот подоцна успеа да дојде до полуфиналето во ЛШ каде што во првиот натпревар одигра 2:2 против Реал Мадрид. Сепак дури и да ја освои Лигата на шампионите тој ќе замине.+
„Скај Спорт“ во текот на вчерашниот ден објави дека Рагник и Баерн влегле во завршни преговори, но денеска новинарот Кристијан Фалк кој е најпознатиот инсајдер за случувањата во Баерн откри дека Рагник се заблагодарил на понудата. Неговата информација подоцна ја потврди и Фабрицио Романо.
🚨 OFFICIAL: Ralf Rangnick turns down Bayern proposal and will NOT become the new manager due to personal reasons.
“I’m the Austrian team coach with all my heart. This is not a rejection of Bayern, but rather a decision for my team and our common goals”, Rangnick says. pic.twitter.com/4z6hgiVifP
— Fabrizio Romano (@FabrizioRomano) May 2, 2024
Очигледно двете страни не успеале да пронајдат заеднички јазик и Баерн ќе треба да бара ново решение.
Ќе потсетиме, Рагник во овој момент е селектор на Австрија и со оваа репрезентација има договор до 2026 година.
