Капитенот на Ливерпул, Џордан Хендерсон е прогласен за најдобар фудбалер во Премиер лигата во сезоната 2019/20, по изборот на англиската Асоцијација на фудбалски новинари.

Играчот за врска на новиот шампион во трката го победи плејмејкерот на Манчестер сити, Кевин де Брујн, потоа напаѓачот на Манчестер јунајтед, Маркус Решфорд и соиграчите Виржил ван Дајк и Садио Мане, освојувајќи повеќе од четвртина гласови.

Congratulations, skipper ?

? @JHenderson ?

— Liverpool FC (Premier League Champions ?) (@LFC) July 24, 2020

Во најтесниот круг за фудбалер на сезоната се најдоа уште Трент Александер-Арнолд и Алисон Бекер, што доволно говори за доминацијата на Ливерпул.

Рекорден 14 пат оваа награда оди во рацете на играчите на Редси, а Хендерсон е 12 фудбалер во клупската историја.

Претходно тоа им успеа по двапати на Џон Барнс и Кени Далглиш, а по еднаш на Мохамед Салах, Луис Суарез, Стивен Џерард, Стив Никол, Јан Раш, Тери Мекдермот, Емлин Хјуз, Кевин Киген и Јан Калаган.