Проф Марковиќ: Албанските интелектуалци ја закопаа идејата за премиер Албанец под контрола на ДУИ (ВИДЕО)

Евидентна е релаксацијата во меѓу-етничка смисла. Дури ни ова што ДУИ проба да го наметне не одекна баш многу силно. Главната причина за тоа не се реакциите на Заев и Мицкоски, туку кај другите албански партии и интелектуалци кои некако ја закопаа идејата во оваа форма на самиот старт. Тие правилно лоцираа дека не се работи за премиер Албанец, туку премиер Албанец под контрола на ДУИ. Во таа смисла таа идеја не успеа да фати корен, изјави во „Утрински брифинг“ на „Слободна ТВ“ политикологот проф. др. Ненад Марковиќ.

-Доста успешно се врати една тема во политичкиот дискурс, а тоа е темата за НАТО и ЕУ. За оваа тема, иако некој не би го колерирал тоа веднаш со меѓу-етничките односи, е тема за која постои консензус во нашето општество. Кога влеговме во НАТО и се подотворија вратите на ЕУ, сите беа задоволни што имаме успех. Така што оваа тема успеа да се наметне над профаноста на меѓу-етничкиот момент. Туку има и уште два дополнителни фактори – главната партија на власт промовира дека е граѓанска партија, а не исклучиво етничка, што овозможи и поинаков канал на реализација на политичките интереси на Албанци и помали етнички заедници. Исто така немате и системско подгревање на меѓу-етничките етензии, вели Марковиќ.

Говорејќи за ефектот на „бомбите“ Марковиќ смета дека тие не влијаат особено на изборниот резултат.

-Луѓето отрпнаа на ваквиот информативен шунд. Партиите повеќе време посветуваат да ги интерпретираат бомбите, да ги извадат од контекст, отколку во нив што има нешто суштинско. Мислам дека најголемите пратии треба да имаат џентлменски договор – дека со малограѓански работи не треба да се занимаваат, вели Марковиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот