Продолжуваат разговорите за изборна реформа во Сараево
Во Сараево денеска продолжија разговорите меѓу меѓународните претставници за реформа на изборното законодавство во БиХ.
Разговорите меѓу Метју Палмер, американски претставник за изборните реформи во БиХ, и Анџелина Ајхорц, претставник на Европската служба за надворешни работи, продолжија со членовите на Меѓуресорската работна група за измени на изборното законодавство на Босна и Херцеговина во Парламентарното собрание на БиХ.
Нова рунда разговори почна вчера по празничната пауза со членовите на колегиумот на двата дома на Парламентот на БиХ.
Палмер и Ајхорц вчера разговараа за изборното законодавство со политичките претставници на Република Српска, Милорад Додик, Петро Ѓокиќ, Недељко Чубриловиќ и Ненад Стевандиќ.
Средба се одржа и со опозицијата од Република Српска, а денот заврши со разговор со Бакир Изетбеговиќ, лидерот на СДА и Драган Човиќ, претседателот на ХДЗ.