Капитенската лента на португалската фудбалска ѕвезда Кристијано Роналдо, која тој луто ја фрли на теренот на мечот меѓу Србија и Португалија (2:2), беше продадена на добротворна аукција за 64.000 илјади евра, објави српската агенција „Танјуг“.

Во самиот финиш од средбата Роналдо постигна гол во финишот, но не беше признат. Не можеше да поверува и непосредно пред последниот свиреж на главниот судија ја фрли на земја капитенската лента.

Истата по натпреварот ја зеде еден од дежурните пожарникари на стадионот „Рајко Митиќ“ во Белград, а потоа тој ја понуди до хуманитарна организација да помогне во лекување на тешко болното шестмесечно бебе Гаврило Ѓурѓевиќ од Крагуевац, тврди „Танјуг“.

Акцијата беше организирана за малиот Гаврило кој се разболе од тешка невромускулна болест и за чие лекување се потребни 2,5 милиони евра.

Лентата на аукцијата ја купи „Моцарт Бет“. Го повикуваа и Кристијано Роналдо на социјалните мрежи да ја купи сопствената капитенска лента и со тоа да помогне во лекувањето на Гаврило. Но, според извештаите на српските медиуми, Роналдо не одговорил на повикот.

Родителите бараат хумани луѓе од другите градови во Србија да се вклучат во акцијата и да ги земат кутиите за собирање пари. Тие можат да го сторат тоа контактирајќи ја групата „За победа на Гаврило“ на Фејсбук, Твитер и Инстаграм.

Cristiano Ronaldo's captain's armband from Portugal's draw with Serbia was sold at auction for €64,000 ($75,000).

The money will go towards the treatment of 6 month old Gavrilo Djurdjevic who is suffering from spinal muscular astropy. ?. pic.twitter.com/4mRQP18Otl

— The CR7 Timeline. (@TimelineCR7) April 2, 2021