Приведено лицето кое вчера нападна фудбалер на Брегалница
На вчерашниот дуел меѓу Шкендија Арачиново и Брегалнца се случи инцидент кога редар покрај теренот физички нападна играч на гостинскиот тим. Министерството за внатрешни работи денеска соопшти дека осомниченото лице е приведено.
Препорачано
Настанот се случи веднаш по завршувањето на првото полувреме, во моменти на зголемени тензии по израмнувачкиот гол на Брегалница за 1–1. Човекот, кој според МВР е од Арачиново, влета на теренот и го удрил фудбалерот на штипскиот клуб
„На 21.11.2025 во 13:50 часот на стадион „Фортуна“ во Скопје, полициски службеници од СВР Скопје го приведоа Ш.А.(36) од с.Арачиново, скопско, затоа што за време на фудбалски натпревар помеѓу екипите на ФК „Шкендија 77“ и ФК „Брегалница“ физички нападнал играч на ФК „Брегалница“. По целосно документирање на случајот, ќе следува соодветен поднесок“, информираа од МВР.
Преземено од: Спорт.ком.мк
ВИДЕО | Скандал на дербито во Втора лига: Редар шутна фудбалер на Брегалница
