Општина Аеродром во моментов го проектира буџетот за 2023 година во кој се планирани инвестиции во неколку важни и капитални проекти, како што се проектирање и почеток на изградбата на две детски градинки, изградба на нов плоштад зад Капитол и доградба и надградба на две училишта и нови паркови во Аеродром.

Од Аеродром истакнуваат дека и во следниот период ќе се фокусираат на зелен и хуман развој на општината, со многу поголем интензитет и динамика. Тоа, според нив значи дека сите нови објекти кои Општина Аеродром ќе ги изгради во следниот период ќе имаат систем за енергетска обновливост и енергетска ефикасност.

Општината ги намалува непродуктивните трошоци и вложува во капитални проекти. За првпат Општина Аеродром следната година ќе издаде „зелена обврзница” која ќе биде поддршка во реализација на капиталните инвестиции во време на економска и енергетска криза – велат од општината.

Оттаму истакнуваат дека следната 2023 година ќе биде година на интензивни капитални инвестиции.