Принцот Ендру и неговата поранешна сопруга Сара Фергусон наводно започнале разговори за иселување од „Кралсака ложа“ на имотот Виндзор, а во исто време изразиле желба за еден од двата кралски имоти: Фрогмор Котиџ или Аделаида Котиџ, пишува „Дејли мејл“.

Поранешниот војвода од Јорк, кој живее без кирија во својата вила со 30 соби повеќе од две децении, се соочува со притисок да ја напушти резиденцијата по растечкото јавно незадоволство и парламентарните повици за дебата за неговите привилегии.

Исто така, се појави вест дека кралицата Камила всушност била главниот иницијатор на идејата за преместување на Ендру и Сара од „Кралската ложа“.

Кралот Чарлс веќе ја понудил куќата Фрогмор, попозната како поранешниот дом на принцот Хари и Меган Маркл, како можна нова резиденција, но Ендру и Ферги исто така изразиле интерес за, ни помалку ни повеќе, куќата Аделаида, која до неодамна ја користеа принцот и принцезата од Велс!

И двајцата, според изворите, би сакале да останат во близина на Виндзор или Лондон, каде што нивните ќерки Беатрис и Јуџин имаат домови.

Сè уште не е познато колку кирија би платиле или кој би ја презел „Кралсака ложа“ по нивното заминување, но се шпекулира дека новиот закупец би бил задолжен за многу потребната реновација на резиденцијата.