Мексиканската претседателка Клаудија Шејнбаум вчера ги обвини САД дека се мешаат во внатрешните работи на нејзината земја, објави „Блумберг“.

— Не прифаќаме мешање. Ние сме слободна, независна и суверена земја — им рече Шејнбаум на своите поддржувачи, на митинг во Мексико Сити по повод втората годишнина од нејзината изборна победа.

Претседателката рече дека една агенција на американското Министерство за правда побарала апсење на 10 Мексиканци заради екстрадиција. Според Шејнбаум, меѓу нив има гувернер, градоначалник и актуелен сенатор. Таа не ги именуваше и не даде дополнителни детали. Информацијата првично не можеше независно да се провери.

— Ако странски држави одлучуваат кој е виновен, а кој не, или вршат притисок врз мексиканските институции, тогаш тоа веќе не е соработка, туку мешање. Мексико не е ничија пињата (фигура што најчесто ја удираат деца со стапови додека од неа не испаднат слатки) — рече Шејнбаум.

Претседателката ги повика своите поддржувачи во наредните недели да организираат информативни настани на јавни плоштади за да ја објаснат одбраната на националниот суверенитет.

Нејзините коментари доаѓаат во време на сè поголема дебата во Мексико за странското влијание врз изборите.

Парламентот неодамна одобри уставна реформа поддржана од владејачката партија Морена на Шејнбаум, со која би се овозможило поништување на избори доколку се докаже странско мешање.

Мексиканска помош пристигна на Куба, во екот на економската и енергетска криза