Претседателката Гордана Сиљановска-Давкова преку објава на „Фејсбук“ пред Велигден повика на мир, надеж и семејна сплотеност, нагласувајќи ја симболиката на традиционалното вапсување јајца во пресрет на големиот христијански празник.

Таа напиша дека велигденските обичаи носат порака за обновување и духовна подготовка.

„Во тишината на овој ден, боите што ги впиваме во велигденските јајца се израз на животот што победува и на надежта што се обновува“, напиша Сиљановска-Давкова.

Таа додаде дека чинот на вапсување јајца има посебно значење за семејството и заедништвото.

„Чинот на вапцање е не само обичај, туку и момент на семејна блискост, сплотеност и духовна подготовка за најголемиот христијански празник. Со достоинство, смирение и љубов, го очекуваме Христовото воскресение!“, порача претседателката.