Денеска во лондонското дерби Челзи триумфираше на гостувањето кај Арсенал со конечен резултат 1:2 на „Емирати“ стадионот во рамките од 20. коло во Премиер лигата.

После првото полувреме водеше Арсенал, во 13. минута по изведениот корнер Чемберс го пронајде Обамејанг, а овој од непосредна близина ја затресе мрежата на Аризабалага.

Во вториот дел, поточно во последните 10 регуларни минути играчите на менаџерот Лампард направија комплетен пресврт.

Во 83. минута еден безилезен центаршут на Маунт од левата страна, и промашено „боксување“ на Бернд Лено, се претвори во лесен гол за Жоржињо на втората статива, но тука не беше крајот.

Менаџерот Артета и на Пепе му даде шанса за настап, веднаш неговата екипа имаше опасен напад, но наместо нов погодок кој ќе ја врати добрата атмосфера кај домашните навивачи, се „отвори“ контра за Челзи кој во 87. минута, после нападот на Вилијан, ја реализираше преку Тејми Абрахам.

На табелата после освојувањето на трите бода лондонските „сини“ моментно се наоѓаат на четвртото место со 35 бодови, додека „топчиите“ на 12 позиција со 24.

Неделната програма ќе биде збогатена за уште два натпревари, од 17.30 часот Ливерпул е домаќин на Вулверхемптон, додека Манчестер сити од 19.00 часот ќе го пречека Шефилд јунајтед.