Британските таблоиди “Daily Mail” и “The Sun” пренесоа информација дека снимањето на новото продолжение за тајниот агент Џејмс Бонд ненадејно било прекинато. Истите медиуми истакнуваат дека големо „проклетство“ го следи новото продолжение на франшизата.

Прво главниот режисер на филмот, Дени Бојл, ненадејно одлучил да ја прекине соработката со продукциската куќа која била задолжена за снимање на продолжението на филмот.

Откако актерската екипа во прилично изменет состав на Јамајка неодамна го одржала завршниот состанок на кој биле прецизирани новите детали за филмот, главниот актер Даниел Крег доживеал повреда во текот на снимањето на една од првите сцени од филмот.

Како што јавуваат британските медиуми, Крег во една возбудлива сцена требало да претрча одредена делница, при што паднал и си го повредил зглобот.