Од Општина Карпош информираат дека денеска е затворено градилиште на улица Драгутин Аврамовски Гуте број 25 во населба Влае поради несоодветно однесување на градежната компанија Спектар Термо која работела на изградба на објект на таа локација.

Имено, од општината велат дека и покрај повеќе изречени опомени и казни од општинската комунална инспекција, компанијата и понатаму продолжила со работење на идентичен начин, блокирајќи го сообраќајот и уништувајќи општински имот, што довело до денешната одлука за прекин на нивното работење.

-Градилиштето денеска го посети градоначалникот Стевчо Јакимовски, а на лице место беше повикана и сообраќајна полиција, при што донесена е одлука да се затвори градилиштето заради попречување на сообраќајот, несоодветно однесување на градежната компанија, уништување на општински имот и загрозување на безбедноста на граѓаните- велат од општина Карпош.