Најновата битка на половите во тенисот, односно мечот помеѓу Арина Сабаленка (ВТА 1) и Ник Кирјос (АТП 652) ќе се одржи во Дубаи на 28 декември. Пред овој спектакл обајцата спортисти даваат изјави да се подгрее атмосферата.

Додека Сабаленка е учтива и полна со респект, нејзиниот колега од Австралија, типично за него, е вообразен и навредлив.

– Среќна сум што го претставувам женскиот тенис и учествувам во модерната битка на половите. Дубаи сака добри претстави. Имам голема почит кон Ник и неговиот талент, но подготвена сум да дадам сè од себе во овој меч – вели Белорусинката.

OFICJALNIE: Aryna Sabalenka zmierzy się w bezpośrednim starciu z Nickiem Kyrgiosem.

"Bitwę płci" zaplanowano na 28 grudnia. Event odbędzie się w Dubaju.

📸 Aryna Sabalenka | Instagram | #czasnatenis pic.twitter.com/4fsSOWiwfC

— Z kortu – informacje tenisowe (@z_kortu) November 4, 2025

Кирјос е сигурен дека лесно ќе ја совлада првата тенисерка на ранг-листата.

– Дали навистина мислите дека ќе морам да дадам 100 отсто? Сабаленка нема да ме победи. Но, ќе останам фокусиран. Јас ја претставувам машката страна. Би рекол 6-2, можеби – го прогнозира Кирјос резултатот.

Вакви мечеви имало неколку. Најпознатиот беше во 1973 година помеѓу Били Џин Кинг и Боби Ригс, кој Кинг го доби со 6-4, 6-3, 6-3. Четири месеци пред тоа Ригс играше против Австралијанката Маргарет Корт, победувајќи ја со 6-2, 6-1, во 1992 година, Џими Конорс ја победи Мартина Навратилова со 7-5, 6-2.