Следното Светско првенство во кошарка во машка конкуренција ќе се одржи од 25 август до 10 септември 2023 година, а домаќини ќе бидат три држави – Индонезија, Јапонија и Филипини.

Мундијалската титула ќе ја бранат Шпанците кои пред четири години во финалето ја совладаа Аргентина.

Црвената „фурија“ е во групата „Г“ со Бразил, Иран и Брегот на Слоновата коска, а потсетување дека светските вицешампиони нема да бидат дел од СП откако изненадувачки беа совладани од Доминиканската Република во последното квалификациско коло.

Од останатите фаворити, Франција е во групата „Х“ со Канада, Летонија и Либан, додека Австралија која го освои четвртото место на последниот Мундобаскет е во групата „Е“ со Јапонија, Германија и Финска.

Интересно ќе биде и во групата „Ц“ во која Грција предводена од најголемата ѕвезда Јанис Адетокумбо ќе ги одмери силите против САД, а ривали ќе им бидат и Нов Зеланд и Јордан.

Светско првенство 2023

Група А: Филипини, Италија, Ангола, Доминиканска Република
Група Б: Србија, Кина, Порторико, Јужен Судан
Група Ц: САД, Грција, Нов Зеланд, Јордан
Група Д: Литванија, Мексико, Црна Гора, Египет
Група Е: Австралија, Јапонија, Германија, Финска
Група Ф: Словенија, Грузија, Венецуела, Зеленортски Острови
Група Г: Шпанија, Бразил, Иран, Брегот на Слоновата Коска
Група Х: Канада, Франција, Летонија, Либан