Познат лекар на „Си-ен-ен“ поттикна бурни шпекулации во врска со дијагнозата на Кејт Мидлтон: Нема медицинска смисла
Светот во петокот беше шокиран од веста дека принцезата од Велс боледува од рак и моментално прима хемотерапија по абдоминалната операција во февруари.
Портпаролот на Кејт Мидлтон изјави дека нема да бидат објавени детали за нејзиното лекување, ниту информации за точниот тип на рак.
Сепак, угледниот американски лекар д-р Џонатан Рајнер, професор по медицина на Универзитетот Џорџ Вашингтон, гостувајќи во емисијата Андерсон Купер на „Си-ен-ен“, рече дека една објавена работа „нема медицинска смисла“.
Д-р Рајнер смета дека изјавата дека ракот на Кејт Мидлтон е откриен дури по голема операција на абдоменот нема никаква смисла од медицинска гледна точка.
– Кога луѓето се подложени на обемна операција, тие обично повеќе не одат на „истражувачка операција“, бидејќи на сите операции им претходат детални анализи, како и КАТ скенови и магнетна резонанца. За хируршкиот тим да има добар вовед во проблемот, тоа би го потврдила патологијата, рече докторот.
– Значи, парче ткиво се отстранува и директно се испраќа во патолошката лабораторија, често за време на самата операција, па понекогаш резултатите, без разлика дали нешто е канцерогено или не, го диктираат понатамошниот тек на операцијата. Значи, голема е веројатноста дека хируршкиот тим знаел за што се работи пред операцијата, а тоа било потврдено и при патолошкото тестирање за време на операцијата.
“With all respect to the Royal Family, ugh, that kind of, um, you know, Press Release doesn’t make a lot of medical sense. When ppl undergo extensive surgery, they just don’t go in for typically anymore for, quote, exploratory surgery.” – Dr Jonathan Reiner#CNN #KateMiddleton🤔 pic.twitter.com/RJlswivS7f
— PhlyGerl (@PhlyGerl) March 22, 2024
Принцезата од Велс во петокот вечерта, по повеќемесечно отсуство, објави дека боледува од малигна болест.
„Имав голема операција на абдоменот во Лондон во јануари, и во тоа време се мислеше дека мојата состојба не е канцерогена. Операцијата била успешна, меѓутоа, тестовите по операцијата покажале присуство на рак. Мојот медицински тим тогаш ме советуваше да поминам третмани на превентивна хемотерапија и сега сум во рана фаза на тој третман“, изјави Кејт Мидлтон.