Потребна ви е само една тава: Најбрзиот рецепт за пилешко со пармезан и њоки
Пилешкото со пармезан е класика на американската кујна инспирирана од Италија. Пилешко прелиено со топено сирење и обично послужено со шпагети во сос од домати е вистинска храна за удобност, а сите приговори паѓаат пред богатиот, убав вкус и прекрасно кремастото топено сирење.
Има многу варијации, а нам ни се допадна оваа од една тава, која доста ја поедноставува подготовката, притоа задржувајќи се што е важно од оригиналниот рецепт.
Пилешкото со пармезан и њоки се пече наеднаш, а во истата тава ќе го направите сосот, ќе ги сварите (многу кратко) њоките и на крај – целата работа ќе ја завршите во рерна, од која стопеното сирење ќе се појави како херој. Малку свеж босилек ќе ја заокружи приказната и ќе и даде свежина, а најдобро од сè, сето тоа е направено за половина час.
Состојки:
– 2 парчиња пилешки гради без кожа и коски
– 2 и пол лажички сол, поделени
– 1/4 чаша брашно
– 1/4 чаша маслиново масло
– 8 чешниња лук, ситно сецкани
– 1/2 лажичка мелен црвен пипер снегулки
– 800 г конзервиран пелат од домати
– 1 и пол лажичка шеќер
– 500 г њоки од компири
– 60 гр пармезан ситно изрендан
– 230 гр течна моцарела исечкана на коцки
– свежи листови босилек, за сервирање
Подготовка:
Од секое парче пилешки гради направете по 2 филети. Посолете ги со околу 2 лажички сол, префрлете ги во сад и посипете ги со брашно. Свртете ги да се обложат рамномерно со брашното.
Загрејте го маслиновото масло во голема тава од леано железо на средна топлина. Филетите се пржат два по еден додека не добијат убава боја, ако е потребно, меѓу пржењето додавајќи повеќе масло. Извадете го месото од тавата и оставете го на страна.
Намалете ја топлината и додадете го сечканиот лук и ситно мелената црвена пиперка и пржете 1 минута. Додадете ги го пелатот од домати, остатокот од солта, шеќерот, оставете да зоврие и варете со повремено мешање додека сосот малку не се згусне, околу 5 минути.
Додадете ги њоките и варете со постојано мешање додека њоките не омекнат само малку, помалку од 2 минути, па тргнете го од оган. Наредете го пилешкото во еден слој над њоките во сосот. Посипете со пармезан и моцарела. Префрлете ја тавата во рерна и печете додека не се растопи и обои кашкавалот, 5 до 8 минути.
Посипете со листови босилек и послужете.