Грчката полиција трага по две непознати, маскирани лица кои утрово отворија оган врзнеколку лица во Ханиоти на Халкидики, при што беше убиен 39-годишен, а повреден 45-годишен маж, и двајцата македонски државјани, додека пак на местото на убиството биле принајдени 19 чаури и еден куршум, јавува МИА од Атина.

Непознатите лица по кои трага полицијата се товарат за убиство, обид за убиство и прекршување на законот за оружје.

Според извори од грчката полиција, во изнајмен апартман во Сани Вилас во Ханиоти се наоѓале пет лица на возраст од 19 до 45 години, сите од Северна Македонија, а непознатите сторители смртно го раниле 39-годишниот, додека пак 45-годишниот бил повреден во десниот дел на градниот кош.

Повредениот бил пренесен во болница во Полигирос, каде што е хоспитализиран и е вон животна опасност.

На местото на убиството во надворешниот дел од изнајмениот апартман, полицијата пронашла  19 чаури, еден куршум и шаржер.

Македонски државјанин почина на Халкидики откако го застрелале, друг се бори за живот