Последната понуда на Манчестер јунајтед за Санчо!?
„Црвените ѓаволи“ не се откажуваат од намерата да го ангажираат англискиот репрезентативец кој моментно ги брани боите на Борусија Дортмунд.
Манчестер јунајтед ќе испрати нова понуда за Џејдон Санчо од 90 милиони фунти, како што информира британскиот „Дејли Мирор“.
Потпретседателот на клубот од „Олд Трафорд“, Ед Вудворд, ќе ги извести Германците дека нема да преговара повеќе за структурата на плаќањето.
Бундеслигашот мора да одлучи дали ќе ја прифати оваа понуда, бидејќи нема да има друга до 5 октомври кога ќе се затвори преодниот рок.
Борусија сака 108 милиони фунти и веќе три месеци не се откажува од оваа цена. Од Јунајтед сметаат дека најновата понуда може да се прифати затоа што тие веруваат дека предлогот е доволно дарежлив во контекст на кризата предизвикана од пандемијата на ковид-19.
Санчо има принципиелен договор со Јунајтед за неговите услови и ќе добива околу 175.000 фунти неделно.