Посетителите на Октоберфест и оваа година ќе мора да издвојат повеќе пари за пиво. Литар чини помеѓу 14,80 и 15,90 евра, објави градот Минхен. Цените се во просек за 2,38 проценти повисоки од минатата година, кога опсегот беше од 14,50 до 15,80 евра.

Сумата одредена за омилениот пијалак на Октоберфест секоја година е важна тема во Минхен, а повремено станува и политичко прашање. Пивото се приготвува специјално за тој настан. Има повеќе екстракт и е посилно од вообичаените лесни пива. Безалкохолните пијалаци чинат во просек 11,13 евра за вода, 12,84 евра за мешавина од кола и сок од портокал и 12,47 евра за лимонада. Веќе неколку години посетителите можат бесплатно да пијат вода на јавните фонтани во областа каде што се одржува фестивалот.

Градот Минхен не ги одредува цените на пијалаците, туку само организаторот проверува дали цените се разумни и ги споредува со цените во баровите во градот. Во овој германски град, литар пиво моментално чини помеѓу 7,70 и 13,40 евра.

Отворен Октоберфест: Рекордни цени на пивото, милиони посетители и климатска агенда

За потсетување, фестивалот започнува на 19 септември со свеченото отворање на првото буре за пиво, а до 4 октомври се очекуваат околу шест милиони посетители, пишува Каматица.