Цените на патарините во Србија за автомобилите се зголемени од Нова година, а македонски граѓани кои патуваат за празниците велат дека биле изненадени од поскапувањето, за кое велат дека не било јасно најавено.

Информацијата не била јасно истакната на веб-страницата на ЈКП „Патишта на Србија“, поради што голем број возачи кои тргнале на патување на првите денови од новата година биле изненадени од новите износи, јавуваат српските медиуми.

На официјалната страница е објавен ценовник под наслов „Посебна такса за користење на патарина“, во кој е наведено дека новите цени важат од 1 јануари од 7 часот наутро.

Патарината за релацијата Врање – Белград за патнички возила сега изнесува 1.850 динари или околу 15 евра во еден правец.