Поранешниот тренер на Бенфика го победи коронавирусот
Пред десетина дена, Жорге Жесус беше меѓу првите тренери кои беа позитивни на коронавирусот, но денеска нова информација.
Резултатите од тестот беа негативни и Жесус повеќе не е погоден од коронавирусот.
„Фламенго ја известува јавноста дека новиот тест на Жесус беше негативен. Клубот им се заблагодарува на сите за поддршката“, стои со соопштението на бразилскиот тим.
Жорге Жесус има 65 години, а минатата година пристигна во Фламенго и успеа да триумфира во Копа Либертадорес, јужноамериканската Лига на шампиони.
Најдобрите моменти од тренерската кариера, Жесус ги помина во Бенфика со која успеа да ја прекине доминацијата на Порто, а беше тренер и на Брага, Спортинг Лисабон и Ал Хилал.