Кристијано Роналдо беше меѓу најпогодените фудбалери на Португалија по елиминацијата од Шпанија во осминафиналето на Светското првенство.

Португалците беа поразени со 0-1, а за 41-годишниот капитен тоа беше последниот натпревар на најголемата фудбалска сцена во дресот на националниот тим.

Роналдо зад себе остави уште еден голем белег со репрезентацијата. На шест различни Мундијали одигра 27 натпревари, на кои постигна 11 гола и запиша две асистенции. По последниот судиски свиреж емоциите го совладаа искусниот напаѓач, кој не можеше да ги задржи солзите по крајот на патувањето на Португалија.

Во тие моменти пристигна убав гест од младата ѕвезда на Шпанија, Ламин Јамал. За фудбалерот на „црвената фурија“ ова беше прво Светско првенство, но токму тој беше меѓу првите што му пријдоа на легендарниот Португалец. Јамал најпрво се поздрави со Роналдо, а потоа го прегрна, а емотивниот момент веднаш стана хит на социјалните мрежи.

Funny how they called Lamine Yamal arrogant and a spoilt brat, yet he was the one who went over to console Cristiano Ronaldo after the final whistle. ❤️ pic.twitter.com/S0H2vZST8T

— MC (@CrewsMat10) July 7, 2026