Ешли Хамилтон, поранешниот сопруг на Шенон Доерти, бил итно хоспитализиран поради предозирање, пренесуваат странските медиуми.

Според информациите, 51-годишниот актер бил пронајден без свест на 2 април во изнајмено сместување во Лос Анџелес. Итната медицинска помош реагирала поради компликации поврзани со непозната супстанција, по што веднаш бил пренесен во болница.

Тој сè уште се наоѓа под лекарски надзор, но е во стабилна состојба.

Хамилтон и Доерти се венчаа во октомври 1993 година, по само две недели врска. Во тоа време тој имал 19, а таа 22 години. Нивниот брак траел кратко – само пет месеци, по што се развеле во април 1994 година.

По смртта на Доерти во јули 2024 година, по борба со рак на дојка, Хамилтон јавно ѝ оддаде почит.

„Шенон не беше само моја сопруга, таа беше мој ангел чувар. Иако работите секогаш не излегуваат како што се надеваме, таа беше покрај мене во некои од моите најтешки моменти. Моето восхитување и љубов кон неа траеја многу подолго од нашиот краток брак“, изјави тогаш за американските медиуми.

По разводот, Хамилтон бил во брак и со актерката Енџи Еверхарт, со која се венчал во 1996 година, но и тој брак завршил по неколку месеци.

Во 2016 година добил ќерка со партнерката Рене Каралијан.