Поранешниот претседател на Перу, Педро Кастиљо, денеска се појави на суд по неуспешниот обид за распуштање на парламентот, додека неговата наследничка Дина Болуарте бара начини да ја обедини земјата околу институциите оцрнети од корупција и недоверба.

Во своето прво појавување на суд, Кастиљо изгледаше депресивно и даде едноставни одговори со „да“ или „не“ на прашања поврзани со обвинението кое го товари за бунт, објави АП.

Соединетите Американски Држави го осудија обидот на поранешниот претседател на Перу да обезбеди уште посилна позиција на власт, бидејќи неговите постапки беа незаконски, а дури и неговите левичарски сојузници во регионот одбија да застанат на страната на Кастиљо.

Кастиљо ја загуби власта за само три часа откако синоќа се обиде да го распушти Конгресот со декрет. После тоа ова тело го замени со гласање, а полицијата набрзо го приведе.