Поранешниот крал на Шпанија дојде на погребот на кралицата и покрај молбите да не присуствува
Поранешниот крал на Шпанија, Хуан Карлос I со сопругата Софија денеска пристигна на погребот на кралицата Елизабета.
Хуан Карлос, кој е во егзил во Обединетите Арапски Емирати од август поради неколку истраги против него, дојде во Вестминстерската опатија и покрај молбите да го прескокне погребот на кралицата.
View this post on Instagram
„Дејли мејл“ пишува дека поранешниот крал бил замолен од шпанскиот премиер Педро Санчез да не присуствува на денешниот државен погреб. Сепак, Хуан Карлос утрово беше виден со светските лидери и членовите на кралското семејство.
View this post on Instagram
Абдицираше во 2014 година
Да потсетиме, Хуан Карлос абдицираше во 2014 година откако беа откриени финансиски неправилности во неговите односи со Саудиска Арабија. Потоа на тронот седна неговиот син Фелипе.
Тој веќе некое време се подготвува за сослушување во Високиот суд во Лондон, каде што го тужи неговата поранешна љубовница, германско-данската аристократка Корина цу Сајн-Витгенштајн-Сајн, која тврди дека ја заплашувал и ѝ се заканувал во надеж дека ќе ја убеди да го врати „подарокот“ вреден 50 милиони фунти.
Кралот Хуан Карлос дојде на тронот по смртта на шпанскиот диктатор Франциско Франко во 1975 година и со своите политички активности придонесе за непречена транзиција на земјата кон демократија.
View this post on Instagram