Во заштитеното подрачје Красте во Круја, Албанија, пронајден е поранешен армиски тунел кој бил професионално прилагоден за одгледување наркотични растенија со помош на светилки и други апарати.

При контролата биле пронајдени материјални докази при што биле одземени 390 стебла од растението канабис сатива, систем за осветлување со 30 светилки, 1 аспиратор, 2 вентилатори, 30 агрегатори за струја, како и друга опрема што се користи за одгледување наркотичните растенија.

Во акцијата „Тунел“ биле идентификувани и уапсени 3 лица осомничени за криминални активности, жители на Круја.  При истрагата се уапсени  и 2 вработени во операторот за дистрибуција на електрична енергија, како и уште 2 лица по кои се уште се трага, бидејќи наводно дозволиле нелегално приклучување на системот за снабдување со електрична енергија со што овозможиле тунелот  да добива струја и да се приспособи за одгледување наркотични растенија.