Јужнокорејскиот суд ја осуди поранешната прва дама Ким Кеон-хи на 20 месеци затвор во вторник, откако ја прогласи за виновна за примање мито од службеници на Црквата на обединување во замена за политички услуги, пренесува Чајна дејли.

Судот ја ослободи Ким од обвиненијата за манипулација со цените на акциите и кршење на законот за финансирање на политичките партии.

Нејзината казна беше објавена по затворањето на нејзиниот сопруг, поранешниот претседател Јун Сук-јол, кој беше отстранет од функцијата минатата година поради неговиот потег за прогласување воена состојба во 2024 година.

„Обвинетата е осудена на една година и осум месеци затвор“, рече судијата Ву Ин-сунг од Централниот окружен суд во Сеул.

Обвинителите побараа 15-годишна казна и парична казна од 2,9 милијарди вони (2 милиони долари) за обвиненијата против неа, кои вклучуваа прифаќање луксузни чанти „Шанел“ и дијамантски ѓердан од Црквата на обединување во замена за политички услуги.

Судот пресуди дека нема доволно докази за да се прогласи за виновна за манипулација со цените на акциите и кршење на законите за финансирање на политичките партии.

Ким ги негираше сите обвиненија. Нејзиниот адвокат рече дека неговиот тим ќе ја разгледа пресудата и ќе одлучи дали да се жали на пресудата за поткуп.

Почна судењето на поранешната прва дама на Јужна Кореја поради корупциски скандали