Поранешната данска кралица Маргрета Втора е примена во болница во Копенхаген откако доживеала срцев удар, објави „Анадолија“, повикувајќи се на соопштение од данското кралско семејство.

Од кралскиот двор соопштија дека 86-годишната поранешна кралица ќе остане под медицински надзор во болницата „Ригшоспиталет“ во текот на викендот, каде што ќе бидат направени дополнителни прегледи.

Во соопштението се наведува дека таа е „уморна, но во добро расположение“.

Маргрета абдицираше во 2024 година по повеќе од пет децении на престолот, а круната ја презеде нејзиниот син, кралот Фредерик X. Последниве години таа имаше повеќе здравствени проблеми, вклучувајќи операција на грбот и неколкупати беше примена во болница.

САД и Данска преговараат за нови воени бази на Гренланд