Поранешната Бонд девојка, 47-годишната Катерина Мурино, за француското списание „Гала“ откри дека очекува бебе по неколку неуспешни обиди за ин витро оплодување.

„На мои години, морав да побарам од медицината да ѝ помогне на природата. Не е во наша моќ секогаш да одлучуваме кога е вистинското време да станеме мајка“, рекла Мурино, која глумеше во филмот за Бонд од 2006 година „Казино Ројал“ заедно со Даниел Крег.

Актерката откри за списанието дека очекува син со својот партнер и француски адвокат Едуар Риго, со кого е осум години, и дека треба да се породи на крајот од летото, кратко пред да наполни 48 години во септември.

Мурино го запозна Риго во 2019 година, а тие живеат заедно во париската населба Монмартр. Таа исто така рече дека Риго ѝ бил голема поддршка за време на тешкиот пат до бременоста, откако претходно имала два спонтани абортуси и поминала низ тешкиот процес на ин витро оплодување.

И покрај тешкиот пат до мајчинството, Мурино рече дека е благодарна што конечно започнува ново поглавје како родител и изјави дека досега имала прилично лесна бременост.

„Немав никакви проблеми, немав дијабетес, немав несоница“, рекла Мурино.