Во градинката „Мајски цвет“, клон „Јасмин“, во населбата Тафталиџе 2, се пуштени во употреба четири реновирани занимални, кои пред два месеци беа оштетени, откако падна дел од плафонот. Градоначалникот Стевчо Јакимовски вели дека било неопходно да се заменат сите гипс – картон табли на таваните во занималните и тоа да се направи професионално и по сите стандарди.

Со ова, се надевам дека нашите најмлади ќе бидат безбедни и нема да ни се случи повторно она што ни се случи – да падне дел од плафонот. Во исто време директорката и сите други директори добија налог четири пати годишно да ги проверуваат олуците, да ги чистат, за да не се запушуваат за потоа водата да не се прелева за да немаме вакви несакани последици, затоа што претставуваат опасност по животот и здравјето на децата згрижени во предучилишна возраст – изјави  Јакимовски.