Поради својата способност да ја впиваат влагата, кесичките со силика гел имаат многу поширока примена од онаа за која најчесто се користат. Кога се безбојни и нетоксични, тие можат да бидат едноставен и ефикасен помошник во домаќинството, особено во ситуации кога влагата, непријатните мириси или оксидацијата претставуваат проблем, пишува „Сити магазин“.

Наместо следниот пат да ги фрлите, еве како можете повторно да ги искористите.

Спас за намокрен мобилен телефон или електронски уред

Ако вашиот уред случајно се намокри, кесичките со силика гел можат да помогнат во извлекување на влагата. Поставете го уредот во затворен сад или кеса заедно со неколку кесички силика гел и оставете ги да ја впијат влагата.

Сушење и заштита на обувки

Во влажни чевли или чизми ставете неколку кесички силика гел за побрзо отстранување на влагата и спречување на непријатни мириси. Најдобар ефект се постигнува во комбинација со весник.

Отстранување непријатни мириси

Силика гел може да помогне спортски торби, ранци или фиоки да останат свежи. Доволно е кесичките да се остават во затворен простор каде што сакате да ја намалите влагата и мирисите.

Заштита на електроника и технички уреди

Фотоапарати, стари мобилни телефони и уреди што ретко ги користите можат да се чуваат со кесички силика гел за да се спречи насобирање на влага и можно оштетување.

Спречување ‘рѓа на алат

Ако ги чувате во кутија со алат, кесичките силика гел ќе помогнат да се намали влагата и да се забави појавата на ‘рѓа на металните површини и алати.

Зачувување фотографии и документи

Старите фотографии, важни документи и хартиена архива се особено чувствителни на влага. Со додавање кесички силика гел во кутиите за складирање може да се продолжи нивниот век на траење и да се спречи нивно оштетување.