„ЕК ги најави контурите на новата методологија која допрва треба да биде објавена, а тоа што ние го искоментиравме беше повеќе очекување од истата и ризиците од имплементација“, вели Миша Поповиќ од Институтот за демократија за Утрински брифинг на „Слободна ТВ“.

Тој вели дека она што е добро околу новата методологија за проширување е свртувањето кон решавање на поединечни општествени проблеми кои треба да ги приближат земјите кандидатки до тоа да бидат добри членки на ЕУ и најавување интерес од паралелен економски развој на патот кон ЕУ.

„Оваа Методологија ќе значи продолжување на процесот. Мислам дека и со старата методологија земјите кои сега се кандидатка, вклучително и ние ќе се соочиме со долг процес, заради тоа што фокусот на земјите членки е добро управување нешто што тешко се постигнува во краток рок.“, изјави Поповиќ.

Тој додава дека тоа не е лошо за нашето општество доколку почнеме со преговори.

„Постојат сили во некои општества на земји членки кои гледаат со скептицизам кон проширувањата и тамошните лидери тоа мораат да го земат предвид. Ќе видиме во март што ќе се случи“, вели Поповиќ.