Најважно е што Македонската православна црква (МПЦ-ОА) излезе од долгогодишната литургиска изолација и повторно е во единство со другите православни цркви, изјави епископ делчевско-каменички г. Марко во емисијата „Попкаст со Мартин Богатиноски“.

– Како што најдовме начин, овде во Македонија, и покрај сите политички притисоци, кои влијаеја цели 20 години да имаме канонска и неканонска јерархија, така и сега црквата ќе се обиде сама да си ги реши работите. Политичките влијанија имаат рок на траење, а интересите на црквата се вечни. И црквата не еднаш низ историјата се соочила со такви политички влијанија. На крајот на краиштата, Господ ја води црквата и тој знае како е најдобро за сите нас – изјави г. Марко.

Со него разговаравме за моменталниот статус на МПЦ-ОА, за Томосот за автокефалност, за притисокот од Цариград, за односот помеѓу владиците…