Во најновата епизода на „Попкаст со Мартин Богатиноски“ на „Слободен печат“ гостува отец Јордан Марков, свештеник од Митрополијата будимљанско-никшиќка и долгогодишен дежурен свештеник во манастирот Свети Василиј Острошки во Црна Гора.

Разговор што го допира она што ретко се отвора јавно, искуства од Острог, средби со луѓе во најкритични моменти, духовни пресврти, но и реалноста зад секојдневието на еден свештеник кој минува години на место каде што илјадници доаѓаат по утеха, смисла и надеж.

Отец Јордан зборува смирено, со јасен ум и директност што ретко се слуша. За чудата што ги видел, за луѓето што ги памети, за денешниот човек што оди меѓу стравови и барања. За злоупотребите, за магиите, за опасноста од гатачите и бајачите, за дилемите, за верата…

Епизодата е една од оние што се слушаат без пауза.

Доколку сте пропуштиле, сега имате шанса да ја изгледате и првата епизода на „Попкаст со Мартин Богатиноски“, во којашто гостин беше митрополитот крушевско-демирхисарски г. Јован.

Попкаст со Мартин Богатиноски ЕП01 | Митрополит Јован: Мајка ми „шверцуваше“ причест во затворот, во една ќелија бевме 40 затвореници