Антимонополските регулатори на ЕУ отпочнаа истражна постапка за понуда на Лондонската берза за преземање на компанијата за финансиски податоци и аналитика, „Рефинитив“.

Четиримесечната постапка започнала поради можна штета која овој договор би ја нанел на пазарот и на финансиските куќи.

Европската комисија соопшти ека на 27. октомври поставила рок за донесување на одлука за оваа понуда, вредна 27 милијарди долари, пренесува „Ројтерс“.

Претходно овој месец, британска агенција извести дека надлежен орган на ЕУ за заштита на пазарната конкуренција ќе покрене сеопфатна истрага по што Лондонската берза одбила при прелиминарната истражна постапка да понуди извесни отстапки.

45 отсто од сопственоста на „Рефинитив“ припаѓа на Томсон Ројтерс, компанија која исто така е сопственик на британската новинска агенција.