Според истражувањето што го направи компанијата „Вим“ повеќе од 80 отсто од малите и средни компании очекуваат влијанието од пандемијата врз бизнисот да се рефлектира и во наредните 12 до 16 месеци, а речиси 90 отсто од нив предвивуваат забавен раст.

Компанијата „Вим”, со седиште во Сан Франциско, која им помогна на илјадници мали претпријатија да аплицираат за кредити во рамки на итната државна програма за заштита на платите, вредна 660 милијарди американски долари, соопшти дека малите фирми работат забрзано за да се приспособат на променливата деловна клима.

Од 690 анкетирани фирми, 65 проценти се изјасниле дека тие се пријавиле за помош или планираат да го сторат тоа во блиска иднина, наведува „Вим” во својот прв извештај за атмосферата во малите и средните претпријатија во Соединетите Американски Држави.

Агенцијата за мало стопанство досега одобри повеќе од 2,5 милиони кредити во вкупна вредност од 536 милијарди американски долари.