Во скопската Зоолошка градина се родија две бели волчиња, кои како што известија оттаму сѐ уште деновите ги минуваат скриени и заштитени, а во ретки моменти излегуваат надвор, кога можат да ги видат и посетителите кои моментално се наоѓаат во ЗОО градината.

Кај нашите бели волци пристигна подмладок, две мали волчиња кои веќе ја освојуваат љубопитноста на целиот тим. Сè уште се нежни и најсигурни покрај својата мајка, која внимателно ги чува и се грижи за нив. Нашите мали волчиња најчесто се кријат во дупки и засолништа токму како што тоа природно го прават и во дивината, каде што првите денови ги поминуваат скриени и заштитени – информираа од Зоолошка градина.

Оттаму додаваат дека фотографиите кои ги направиле и кои ги објавуваме се направени токму во такви ретки моменти.