Почина Леонид Радвински, сопственикот на „Онлифенс“ ја изгуби битката со ракот на 43-годишна возраст
Украинско-американскиот бизнисмен Леонид Радвински, сопственик на платформата за возрасни Онлифенс, почина на 43-годишна возраст по долга борба со рак.
Препорачано
Веста ја потврдија од компанијата, од каде соопштија дека Радвински починал мирно, а семејството побарало приватност во овие тешки моменти.
Leonid Radvinsky, the owner of OnlyFans, has died at 43 after a battle with cancer.
“We are deeply saddened to announce the death of Leo Radvinsky,” an OnlyFans spokesperson said in a statement to Variety. “Leo passed away peacefully after a long battle with cancer. His family… pic.twitter.com/xJetAcTZmU
— Variety (@Variety) March 23, 2026
Радвински ја презеде компанијата „Феникс Интернешнл“, која стои зад Онлифенс, во 2018 година и беше нејзин директор и мнозински сопственик. Платформата првично беше основана во 2016 година од британскиот претприемач Тим Стокли.
Онлифенс доживеа експлозивен раст за време на пандемијата со ковид-19, кога глобалните карантини придонесоа милиони корисници и креатори да се свртат кон онлајн содржини. Таа прерасна во значаен извор на приходи и дигитална забава на светско ниво.
Покрај ангажманот во компанијата, Радвински беше активен и како инвеститор, вложувајќи во повеќе стартапи, а поддржуваше и различни филантропски проекти ширум светот.
