Тажната вест за смртта на легендарниот боксер ја потврди неговиот пријател Џо Бернал. Спинкс стана светска боксерска ѕвезда во 1978 година кога го победи дотогаш непобедливиот Мухамед Али.

Леон Спинкс тогаш на поени го победи Али и ја освои титулата во супер тешка категорија во меч кој се смета за еден од најголемите во историјата на боксот. Друга голема боксерска ѕвезда, Џорџ Форман, тогаш изјави дека за фановите на боксот овој меч беше сметан како шега, бидејќи сите мислеа оти Али ќе го „уништи“ Спинкс во рингот.

– Луѓето мислеа – зашто од сите боксери го ставивте Спинг во рингот со Али. Но, Спинкс заслужено го победи Али, едноставно го масакрираше противникот. Спинкс си го заслужи местото во историјата на боксерските шампиони – зборуваше Форман.

Леон Спинг во аматерска категорија го освои златниот медал на Олимписките игри 1976 година во Монтреал, Канада, а во професионалната кариера имаше 46 меча од кои победи на 26 (14 со нокаут) има 17 порази и три меча завршија без победник.