Македонскиот репрезентативец Филип Талески во изјава за специјализираниот ракометен портал „Mkdhandball“ потврди дека си заминува од редовите на Вардар.

Талески во Вардар пристигна пред само дваа месеци од Бенфика и успеа да го освои куп отррофејот на Ф4 во Охрид, меѓутоа сега заминува во спогодбен раскин на договорот со клубот.

„Точно е дека заминувам од Вардар, на мое барање. Имавме состанок, раскинот е договорен, останува да го формализираме“, изјави Талески за „Mkdhandball“.

Во јавноста се појавија шпекулации дека веќе има нов ангажман во странство, но Талески ги демантира тие информации.

„Во моментов немам нов клуб. Ќе останам дома и ќе тренирам додека не се појави нова можност,“ додаде македонскиот репрезентативец.ј.