Инспектори ќе влезат во Клиничката болница во Битола по иницијатива на Министерот за здравство Фатмир Меџити, откако вчера млада жена роди мртво бебе.

Министерот за здравство, Фатмир Меџити, иницираше ДСЗИ да изврши вонреден инспекциски надзор во одделот за гинекологија и акушерство во Клиничката болница Битола, информираат од таму.

– Министерството ја информира јавноста дека според информативниот допис од КБ Битола, кој стигна до МЗ, кај 21-годишната пациентка, бременоста се до 7 месец се одвивала во Германија. Таа во КБ Битола не дала информации дали била следена од лекар во Германија и не приложила документација од којашто ќе се утврди дека бременоста е контролирана, се наведува во соопштението.

21 годишна трудница вчера била породена со мртво бебе во битолската клиничка болница. Директорката на здравствената установа предходно изјави дека пациентката била во 36-тата недела од бременоста и имала неконтролирана бременост.

Инаку, ова е вторпат бебе да почине во оваа болница за краток временски период од неколку месеци.