Србија доби геостационарна орбитална позиција за сателитската мрежа ФСС и БСС, објави РАТЕЛ. Добивањето геостационарна орбитална положба и соодветен фреквентен ресурс, како што истакнува РАТЕЛ, „е достигнување од исклучително значење за Република Србија“. Сателитската мрежа на Република Србија е регистрирана во планот ФСС, Додаток 30Б и БСС план (Додаток 30/30A), што претставува вреден ресурс за имплементација и развој на сателитот.

„Србија е една од ретките земји што ја има истата орбитална позиција за идната сателитска мрежа ФСС и БСС, што секако претставува значителна предност, а пред се економска придобивка, поради намалените трошоци за реализација на горенаведените мрежи“, се наведува во соопштението. РАТЕЛ потсетува дека во 2020 година е поднесено барање за внесување на сателитската мрежа на Република Србија во Планот ФСС и промена на орбиталната положба на сателитската мрежа на Србија во Планот БСС.

Кон иницијативата на РАТЕЛ се приклучија и администрациите на: Босна и Херцеговина, Хрватска, Северна Македонија, Молдавија, Грузија и Јужен Судан, кои исто така поднесоа барање за запишување во Планот за ФСС, се вели во соопштението.