По Центар, се уриваат и дивите тераси на кафулињата во Скопска чаршија – Слободен печат
ВестиВи ПрепорачувамеСкопје

По Центар, се уриваат и дивите тераси на кафулињата во Скопска чаршија

Дел од газдите на локалите во Чаршијата почнале самите да ги повлекуваат масите и столици и најавиле дека во текот на денот ќе ги отстранат и настрешниците.

Во заедничка акција на Град Скопје и општините Чаир и Центар утринава започнаа да се уриваат дивите тераси на кафулиња и кафеани во Старата скопска чаршија, јави Сдк.мк.

– Едвај пет-шест локали имаа дозвола за поставување на урбана опрема. Останатите нелегално поставиле летни тераси на јавна површина и така работеле со години. Отсега нема да смее да се поставуваат платформи и тенди со железни конструкции со кои се заградува просторот. Масите и столиците ќе стојат на калдрмата и ќе бидат дозволени само чадори – изјавиле инспекторите од Градот и општините.

Дел од газдите на локалите во Чаршијата почнале самите да ги повлекуваат масите и столици и најавиле дека во текот на денот ќе ги отстранат и настрешниците. Минатата недела со акција за уривање на диви летни тераси почна и Општина Центар при што беа отстранети конструкциите и платформите на неколку кафулиња во Дебар Маало.

Богдановиќ решил да воведе ред: Општината и полицијата рушат тераси на „Ленинова“ (ГАЛЕРИЈА)

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close