По цели 25 години конечно започна да се врши целосна реконструкција на резервоарот за водоснабдување на населеното место Црешево. Ревервоарот е со капацитет од 300 метри кубни, а со негова реконструкција од Општина Гази Баба најавуваат дека трајно ќе се надмине проблемот со губење на вода од резервоарот.

Заедно со претседателот на Советот Дијана Илиевска и новиот в.д директор на ЈКП Гази Баба Добри Петров, направивме увид на градежните работи за реконструирање на резервоарот за вода во Црешево. По цели 25 години се врши целосна реконструкција на резервоарот за водоснабдување на населеното место Црешево. Ревервоарот е со капацитет од 300 метри кубни. Со реконструкцијата се надминува проблемот со губење на вода од резервоарот – истакна градоначалникот на Општина Гази Баба Бобан Стефковски.