Пливањето се враќа со Купот во далечинско пливање
Првата од шесте трки е Илинденскиот куп кој ќе се одржи на втори август.
Пливачите по неколкумесечна пауза поради пандемијата и повторно ќе влезат во водите и ќе се натпреваруваат за трофеите.
Првиот настан на кој пливачите и пливачките ќе се натпреваруваат е седмото издание на Купот во далечинско пливање во организација на Националната пливачка федерација и кој ќе се одржи според претходно донесени безбедносни протоколи.
Купот во далечинско пливање досега се одржуваѓше на сите езера и Акумулации во Македонија, а од оваа година за прв пат ќе се одржи трка и на акумулацијата во Крушево.
За да се заштитат пливачите, НПФ изготви безбедносни протоколи.
– Да се означи место каде ќе бидат сместени пливачите и истото да биде пристапно
исклучиво за пливачите и тренерите
– Влегувањето во местото да биде само со маски на лицето
– Местата каде ќе се соблекуваат/облекуваат пливачите да бидат на пропишаното
растојание од 1,5м
– Да има поставено средства за дезинфекција на рацете на самото место
– Да се означи местото каде може да стојат родителите и посетителите
– Стартната линија да биде доволно широка за да може пливачите да имаат пропишано
растојание меѓу себе
– Судиите,Тренерите и целокупната Организација во текот на целото време носи маска на
лицето
– Доделувањето на медалите на победниците нема да се прави по стандарниот
модел,туку истите ќе бидат поставени на посебен стол каде пливачите сами ќе ги земаат
За пливачите:
– Доаѓањето на местото на трката нема да биде организирано и секој пливач ќе мора сам
да дојде до местото
– Бројот на лица кои ќе бидат во присуство на пливачот да се сведе на минимум, (дозволени се само 2 лица)
По трката на втори август ќе се одржат уште пет трки и тоа на.
09.08.2020 Крушево
16.08.2020 Охрид (Градска плажа)
29.08.2020 Маврово(Мавровско Езеро)
05.09.2020 Кавадарци(Тиквешко езеро)
12.09.2020 Велес(Велешко езеро/х.Романтик)
